د مصر د قران د نړیوالو سیالیو یودیرشم پړاؤ پیل شوی
ایکنانیوز د بوابه الاهرام له قوله راپور راکړ، د مصر د قرآن کریم د نړیوالو سیالیو یودیرشم پړاؤ نن د مصر په کلتوري مرکز او جومات کې د شیخ احمد نعینع قاری په وسیله د قرآن کریم د څو آیتونو په تلاؤت سره ددغه هیواد په نوي پلازمینې کې پیل شو.
دغه سیالۍ د مصر د ولسمشر عبدالفتاح ا لسیسی په ملاتړ او د دغه هیواد د اوقافو د وزیر اسامه الازهري تر نظر لاندې ترسره کیږي او د دسمبر له اومې نیټې پیل شوي او تر لسمې نیټې پورې به دوام ولري.
په دغو سیالیو کې د نړۍ له شپیتو هیوادونو څخه څه دپاسه سل ګډون کونکي او قاضیان پکې ګډون کوي.
د مصر د اسلامی چارو عالی شورا ، ددغو سیالیو په څنډې کې د لومړي ځل لپاهر د کتاب نندارتون ترسره کوي. دغه نندارتون له هغو ترټولو مهمو کلتوری او مذهبی خپرندویو سره د عامو خلکو او ګډون کونکو د بلدتیا د فرصت د وړاندې کولو په موخې سره چې د انساني دیني ارزښتونو په پياوړتیا او د پوهې په رامینځمکولو کې رول لري،ترسره کیږي.
د مصر د اوقافو وزارت یوه عالم اسامه الجندي په یولړ څرګندونو کې ووئيل؛ سږکال سیالۍ به د نړۍ له مختلفو براعظمونو څخه د څه دپاسه ۶۰ هیوادونو په مشارکت سره ترسره شي او دمصر د قرآن په سیالیو کې د ګډون لپاره دانټرنیټ له لارې دمقدماتي ارزونې وروسته ۱۴۱ کسان ټاکل شوي دي.
اسامه الجندي روښانه کړې ده، سږکال دغو سیالیو ته د مصر په ۱۱ میلیون پونډو ارزښت سره د نغدو جایزو تر ټولو زیاته اندازه بیّله شوې ده ، چې د سیالیو د مختلفو څانګو برلاسه کسان به دغه جایزې ترلاسه کړي.
هغه په دوام کې ووئيل، دغه سیالۍ به نوي څانګه هم ولري، چې د قرآڼ کریم د ترجمو څانګه او برخه ده او هغو ګډون کونکو ته به چې په عربی اونورو ژبو باندې پوهیږي، فرصت ورکړي چې د قرآن په تلاؤت او دهغو په ترجمو کې خپل ځان رابرسیره کړي.
د مصر دغه دیني عالم ټينګار وکړ، دغه سیالۍ په نړۍ کې د قرآن دخپراوي او په دغه ډګر کې دمصر د قرآني ځائيګي څخه پّ ملاتړ کې دمصر د اوقافو وزارت دهڅې ښودنه کوي، او نړۍ په ټولو برخو کې د قرآن د خپروي لپاره د اوقافو وزارت په څارنې سره د مصر دحکومت د دومدارو هڅو ښونه کوي.
